by Marica Botha | Dec 6, 2024 | 2024 uitgawes
INLEIDING
Graad R is ‘n baie belangrike jaar in ‘n kind se opvoeding. By Laerskool Anton van Wouw verstaan ons die kritieke rol wat Graad R speel in die ontwikkeling van jong kinders en is ons trots op ons uitstékende Graad R-program.
WAAROM GRAAD R BELANGRIK IS
Graad R is die fondament van leer en berei kinders voor vir die formele skooljare wat voorlê. Hier word kinders se belangrike vaardighede ontwikkel, soos sosiale interaksie, probleemoplossing en selfregulering. Hierdie vaardighede is noodsaaklik vir sukses in die laerskool en verder. Kinders wat ‘n sterk basis in Graad R het, toon beter akademiese prestasie en is meer selfversekerd in hul verdere skoolloopbane.
WAT MAAK KLEINWOUWTJIES SE GRAAD R-PROGRAM UITSTEKEND EN UNIEK?
Ons Graad R-program sluit ‘n bewegingskunde juffrou, uitgebreide sensoriese program, musiek en rekenaars in, wat daarop gemik is om kinders se fisiese, kognitiewe en emosionele ontwikkeling te bevorder. Ons het ‘n splinternuwe Graad R-sentrum met ruim, lugversorgde en puik toegeruste klasse. Ons bied ook naskoolse dienste aan van 13:30 tot 17:00, wat verseker dat kinders in ‘n veilige en geborge omgewing bly totdat hulle ouers hulle kan kom haal.
Daar is ook ’n wye verskeidenheid buitemuurse aktiwiteite waaruit u kan kies. Ons Kleinwouwtjieskool is ’n sprokieswêreld onder groot koeltebome – hier kan hul klim en klouter; sand- en waterspel geniet; bak en brou; rondjaag op die fietsiebaan; fantaseer na hartelus; en “leer” by gekwalifiseerde, liefdevolle onderwyseresse.
OOP-DEUR-BELEID EN DAGPROGRAM
By die Graad R-Sentrum volg ons ‘n oop-deur-beleid en ‘n tegemoetkomende aanslag. Nuwe ouers is altyd welkom om te kom kyk hoe ons gekwalifiseerde onderwysers met passie en entoesiasme die kleuters speel-speel leer. Ons volg ‘n propvol dagprogram, wat fokus op die volgende:
- Groot- sowel as fynmotoriese vaardighede: Die eerste 7 jaar van ‘n kind se lewe is ‘n kritieke tydperk vir hul ontwikkeling, omdat die meeste basiese motoriese vaardighede dan ontwikkel word. Daarom het ons ‘n beweginskunde juffrou wat besondere aandag aan ons kleuters se grootmotoriese ontwikkeling gee.
- Sosio-emosionele ontwikkeling: ‘n Emosioneel intelligente kleuter, wat goed aangepas is, sal sy/haar lewe en die maats om hom/haar positief ervaar.
- Kognitiewe vaardighede: Dit is alle persepsieule, geheue, konsentrasie en logiese denke. Ons Gr.R-kleuters kry die geleentheid om rekenaarklasse by die laerskool by te woon, waar hulle ‘n perseptuele program gebruik.
- Taalontwikkeling: Dit sluit praat- en luistervaardighede in. Die ontwikkeling van skryfvaardighede en leesgereedmaking, asook verskeie visuele- en ouditiewe perseptuele oefeninge word gedoen.
- Kreatiwiteit: Ons geniet weekliks musiek by ‘n opgeleide musiekjuffrou. Daar word daagliks verf, teken, plak en sommer net lekker kuns aangebied. Verder word kreatiwiteit gestimuleer deur verskillende fantasie- en opvoedkundige speelgoed.
- Spel: Die waarde van vryspel word nie onderskat nie; daarom maak ons seker daar is genoeg tyd vir ons kleuters om na hartelus te speel op ons pragtige, goed toegeruste buitespeel-area. Die nasionale kurrikulum (CAPS) word gevolg as ‘n minimumvereiste. Wiskunde, Taal en Lewensvaardigheid word geïntegreerd aangebied aan die hand van temas, wat ons kleuters bewus maak van die wêreld rondom hulle.
BUITEMUURSE AKTIWITEITE
Ons buitemuurse aktiwiteite sluit sport, kultuur en kreatiewe programme in, wat kinders help om hul talente te ontwikkel en ‘n gebalanseerde opvoeding te ontvang. Hierdie aktiwiteite is ontwerp om kinders se fisiese- en geestelike ontwikkeling te bevorder en hulle te help om selfvertroue en spanwerkvaardighede te ontwikkel. Aktiwiteite soos ballet, sokker, en kunsklasse bied kinders die geleentheid om hul kreatiwiteit en fisiese vaardighede te ontwikkel.
NASKOOLSE DIENSTE
Ons naskoolse dienste bied ‘n veilige en geborge omgewing vir kinders van 13:30 tot 17:00. Hierdie dienste sluit huiswerkbegeleiding en verskeie ontspanningsaktiwiteite in, wat kinders help om hul dag op ‘n positiewe noot af te sluit. Ons personeel is goed opgelei en toegewyd om seker te maak dat elke kind die ondersteuning en aandag kry wat hulle verdien.
SÁÁM MAAK ONS TYD VIR JOU KIND
Laerskool Anton van Wouw is ’n ietwat weggesteekte juweel… agter die Brooklyn Mall en in die hartjie van ’n lowerryke, rustige woonbuurt. Ons skool bied ouers en kinders álles wat hul hart begeer… as waardegedrewe skool, is dit vir ons baie belangrik om ons ouers se goeie opvoeding tuis, binne ons skool voort te sit. Ons leuse – “Sáám maak ons tyd vir u kind” – is die spil waarom Wouwtjie-wees draai.
As ons dink aan wát ’n ouer en kind in sóveel dae en ure hier beleef, het ons te doen met ’n uurglas wat sewe jaar se sandjies stadig laat deurloop. Aan die ander kant, as ons na één besige dag op ’n slag kyk, het ons eerder te doen met ’n sekondewyser wat bokspring en tiekiedraai tussen die oomblikke, minute, ure… alles wat in een dag toegevoeg word tot ’n lewetjie.
Ons Wouwtjie-wêreld bestaan uit derduisende kleurvolle, uniek-verskillende Lego-boublokkies, wat op ’n wonderlike, kleurvolle manier by mekaar inklik en inskakel, om ’n wêreld te bou wat moeilik nageboots kan word. Elke aspek van ons skool vorm ’n bousteen waarop die volgende een ingepas kan word en elke onderwyser, kind en ouer maak die kombinasie van kleure, interessante karaktertjies en rekwisiete, heeltemal uniek!
AFSLUITING
By Laerskool Anton van Wouw is ons baie trots op ons Graad R-program en die uitstekende onderwys wat ons bied. Ons nooi ouers uit om ons skool te besoek en self te sien hoe ons kinders help om te groei en te ontwikkel in ‘n veilige en stimulerende omgewing. Kom ervaar die verskil wat kwaliteit Graad R-onderwys kan maak in jou kind se lewe.
by Marica Botha | Oct 28, 2024 | 2024 uitgawes, Vir die ouers
LAERSKOOL ANTON VAN WOUW: ‘N UNIEKE PLEK VIR KINDERS
Laerskool Anton van Wouw is nie net ‘n skool nie; dit is ‘n tuiste vir elke kind. Hier, in die hart van Wouwtjieland, dartel kinders kaalvoet en sorgeloos deur hul kinderjare. Maar wat maak Laerskool Anton van Wouw so spesiaal? Wat onderskei hulle van die res?
Rotsvaste beginsels
Laerskool Anton van Wouw is gegrond op rotsvaste beginsels. Hierdie waardes vorm die kern van alles wat ons doen:
- Liefde vir leer: Ons glo dat elke kind ‘n lewenslange leerder is. Ons inspireer ‘n liefde vir kennis en ontdekking.
- Respek en medemenslikheid: Ons leer kinders om respekvol teenoor mekaar en hul onderwysers te wees. Medemenslikheid is nie net ‘n woord nie, maar ‘n daaglikse praktyk.
- Integriteit: Eerlikheid, betroubaarheid en verantwoordelikheid is nie onderhandelbaar nie.
Puik akademiese standaarde
Ons streef na uitnemendheid in akademie. Ons onderwysers is passievol oor hul vakke en gebruik die beste tegnologie om leerders te bemagtig. Ons fokus nie net op kennis nie, maar ook op kritiese denke en probleemoplossing.
Sport en kultuur
Sport en kultuur is ‘n integrale deel van ons skoollewe. Ons moedig leerders aan om hul talente te ontwikkel, of dit nou op die sportveld, in die koor, of op die verhoog is. Hier is elke kind ‘n ster!
Speel en ontspanning
By die Wouwtjies is speel steeds ‘n prioriteit! Ons glo dat ‘n gelukkige kind ‘n suksesvolle kind is. Ons ruim speelareas en ‘n liefdevolle omgewing, verseker dat elke kind ‘n glimlag dra.
Klein klassies, groot impak
Ons klein klasse sorg vir “privaat onderwys” teen ‘n fraksie van die prys. Elke kind kry individuele aandag en ondersteuning. Hier is geen leerder ‘n nommer nie, maar ‘n unieke Wouwtjie met ‘n blink toekoms.
By Laerskool Anton van Wouw maak ons werklik tyd vir ú kind. Eenkeer ‘n Wouwtjie… altyd ‘n Wouwtjie! Besoek gerus ons webwerf vir meer inligting oor ons skoolgemeenskap en die wonderlike reis van elke Wouwtjie.
by Marica Botha | Oct 28, 2024 | 2024 uitgawes, Vir die ouers
Is ons kinders voorbereid vir Hoërskool?
As ‘n ouer is dit net natuurlik om bekommerd te wees oor die oorgang van jou kind vanaf laerskool na hoërskool. Hierdie oorgang bring ‘n nuwe omgewing, ‘n ander kurrikulum en verhoogde akademiese druk. Gelukkig is daar skole soos Laerskool Anton van Wouw, wat spesifiek fokus op die voorbereiding van leerders vir hierdie oorgang.
Die unieke benadering van Laerskool Anton van Wouw
- Emosionele welstand: Laerskool Anton van Wouw erken die belangrikheid van emosionele welstand. Ons skep ‘n liefdevolle en ondersteunende leeromgewing, waar kinders gelukkig voel. Dit help hulle om beter aan te pas in die hoërskoolomgewing.
- Individuele aandag: Die skool gee prioriteit aan individuele aandag. Hierdie benadering stel leerders in staat om hul unieke behoeftes aan te spreek en hul potensiaal ten volle te ontwikkel.
- Akademiese ondersteuning: Laerskool Anton van Wouw bied gratis ekstra klasse in vakke soos Afrikaans, Engels en Wiskunde. Hierdie ondersteuning help leerders om hul akademiese vaardighede te versterk en selfvertroue op te bou.
- Waardes en etiek: Ons skool beklemtoon respek, dissipline, werkstrots en selfstandige denke en waardering vir die gemeenskap en ons omgewing. Hierdie is net sommige van ons waardes en vorm ‘n sterk etiese grondslag vir ons leerders.
Die oorgang van Graad 7 na Graad 8: Wat is belangrik?
Om suksesvol van Graad 7 na Graad 8 oor te skakel, is daar ‘n paar sleutelaspekte wat aandag verdien:
- Akademiese vaardighede: Leerders moet ‘n sterk begrip hê van die kernvakke soos Wiskunde, Wetenskap, en Tale. Dit sluit die vermoë om komplekse konsepte te verstaan; probleme op te los; en effektief te kommunikeer, in.
- Selfstandigheid: Hoërskool vereis ‘n hoër vlak van selfstandigheid. Leerders moet in staat wees om hul eie werk te beplan, take te voltooi, en verantwoordelikheid vir hul eie leerproses te neem.
- Sosiale vaardighede: Die oorgang na ‘n nuwe skoolomgewing, beteken nuwe vriendskappe en interaksies. Leerders moet sosiale vaardighede ontwikkel om hulself te integreer en positiewe verhoudings te bou.
- Studievaardighede: Effektiewe studievaardighede is noodsaaklik. Dit sluit in tydbestuur, notas neem, en eksamenstrategieë.
- Emosionele welstand: Leerders moet leer om druk en emosionele uitdagings te kan hanteer. Skole soos Laerskool Anton van Wouw, fokus op hierdie aspek om leerders te ondersteun.
Die toekoms vir ons kinders
Laerskool Anton van Wouw streef daarna om leerders toe te rus met die nodige lewensvaardighede om suksesvol in ‘n kompeterende samelewing te presteer. Ons glo dat ‘n gelukkige, selfstandige en “volronde” kind hoërskool toe gestuur moet word.
U as ouers, kan gerus wees dat Laerskool Anton van Wouw ‘n omgewing skep waar kinders nié net akademies voorberei word nie, maar ook emosioneel en sosiaal gereed is vir die volgende fase van hul skoolloopbaan. Besoek gerus ons webwerf vir meer inligting.
by Marelize | Aug 2, 2024 | 2024 uitgawes, Vir die ouers
Deur Annelie van Jaarsveldt
Dr. Melodie de Jager, stigter van Mind Moves Institute moedig ouers aan om ʼn koesterende omgewing te skep waarbinne hul kinders hul talente ten volle kan uitleef. De Jager beklemtoon egter dat die korrekte benadering gevolg moet word wanneer hierdie omgewing geskep word.
Laerskool Anton van Wouw glo daarin om hiérdie koesterende omgewing vir ons leerders te skep.
Verder beklemtoon sy dat dit belangrik is om die korrekte onderskeid te tref tussen talente en vaardighede. Talente is in ʼn kind se wese deel van sy/haar menswees. Hierteenoor is vaardighede dinge wat aangeleer en ontwikkel kan word. Vaardighede word vasgelê deur herhaling terwyl talente natuurlik, sonder herhaling, na vore sal kom.
Ouers is geneig om talente wat hulle kinders in die kalklig kan plaas, belangriker te ag as talente wat nie meetbaar is nie. Onmeetbare talente sluit byvoorbeeld die volgende in: liefde, empatie en simpatie vir ander. Hiér is die waardes wat binne gesinsverband gekoester word, ongelooflik belangrik. In die groter prentjie gaan dit nie dus net oor prestasie nie, maar die fokus moet óók op die sentralisering en waardering van kinders se emosies val.
Talente is nie altyd meetbaar nie. In ʼn gesin is die een kind byvoorbeeld ʼn sportster, maar die ander kind is dalk meer simpatiek teenoor ander. Melody beveel hier ten sterkste aan dat daar binne gesinsverband besluit moet word waaraan daar waarde geheg word.
Ilze Neethling, ʼn sielkundige terapeut en psigometris gee die volgende wenke aan ouers om hulle kinders aan te moedig om hul talente te ontwikkel, sonder om onnodige druk op hulle te plaas:
- ʼn Gebalanseerde kind is ʼn gesonde kind. Dit is van kardinale belang dat ʼn kind die geleentheid gebied word om alle vaardighede ten volle te ontwikkel.
- Moenie u talente deur ʼn kind probeer uitleef nie. Verwelkom u kind se talente en moedig hulle aan om dié talente te ontwikkel.
- Moedig u kind aan om kreatief te wees en só hulle talente uit te leef.
- Moet nooit druk op u kind plaas om sy / haar talente te ontwikkel nie.
- U ondersteuning is goud werd vir u kind. Handhaaf ʼn gesonde balans met u kind. Skep ʼn gebalanseerde omgewing vir al u kinders. Dit is normaal dat die buitengewoon talentvolle kind dalk meer aandag (dikwels onbewustelik) sal ontvang. Maak seker dit gebeur nie ten koste van jou verhouding met jou ander kinders nie.
by Marica Botha | Jul 18, 2024 | 2024 uitgawes, Vir die ouers
As ‘n ouer is dit net natuurlik om bekommerd te wees oor die oorgang van jou kind vanaf laerskool na hoërskool. Hierdie oorgang bring ‘n nuwe omgewing, ‘n ander kurrikulum en verhoogde akademiese druk. Gelukkig is daar skole soos Laerskool Anton van Wouw, wat spesifiek fokus op die voorbereiding van leerders vir hierdie oorgang.
Die unieke benadering van Laerskool Anton van Wouw
Laerskool Anton van Wouw erken die belangrikheid van emosionele welstand. Ons skep ‘n liefdevolle en ondersteunende leeromgewing, waar kinders gelukkig voel. Dit help hulle om beter aan te pas in die hoërskoolomgewing.
- Individuele aandag: Die skool gee prioriteit aan individuele aandag. Hierdie benadering stel leerders in staat om hul unieke behoeftes aan te spreek en hul potensiaal ten volle te ontwikkel.
- Akademiese ondersteuning: Laerskool Anton van Wouw bied gratis ekstra klasse in vakke soos Afrikaans, Engels en Wiskunde. Hierdie ondersteuning help leerders om hul akademiese vaardighede te versterk en selfvertroue op te bou.
- Waardes en etiek: Ons skool beklemtoon respek, dissipline, werkstrots en selfstandige denke en waardering vir die gemeenskap en ons omgewing. Hierdie is net sommige van ons waardes en vorm ‘n sterk etiese grondslag vir ons leerders.
Om suksesvol van Graad 7 na Graad 8 oor te skakel, is daar ‘n paar sleutelaspekte wat aandag verdien:
- Akademiese vaardighede: Leerders moet ‘n sterk begrip hê van die kernvakke soos Wiskunde, Wetenskap, en Tale. Dit sluit die vermoë om komplekse konsepte te verstaan; probleme op te los; en effektief te kommunikeer, in.
- Selfstandigheid: Hoërskool vereis ‘n hoër vlak van selfstandigheid. Leerders moet in staat wees om hul eie werk te beplan, take te voltooi, en verantwoordelikheid vir hul eie leerproses te neem.
- Sosiale vaardighede: Die oorgang na ‘n nuwe skoolomgewing, beteken nuwe vriendskappe en interaksies. Leerders moet sosiale vaardighede ontwikkel om hulself te integreer en positiewe verhoudings te bou.
- Studievaardighede: Effektiewe studievaardighede is noodsaaklik. Dit sluit in tydbestuur, notas neem, en eksamenstrategieë.
- Emosionele welstand: Leerders moet leer om druk en emosionele uitdagings te kan hanteer. Skole soos Laerskool Anton van Wouw, fokus op hierdie aspek om leerders te ondersteun.
Die toekoms vir ons kinders
Laerskool Anton van Wouw streef daarna om leerders toe te rus met die nodige lewensvaardighede om suksesvol in ‘n kompeterende samelewing te presteer. Ons glo dat ‘n gelukkige, selfstandige en “volronde” kind hoërskool toe gestuur moet word.
U as ouers, kan gerus wees dat Laerskool Anton van Wouw ‘n omgewing skep waar kinders nié net akademies voorberei word nie, maar ook emosioneel en sosiaal gereed is vir die volgende fase van hul skoolloopbaan. Besoek gerus ons webwerf vir meer inligting.
by Marica Botha | May 10, 2024 | 2024 uitgawes, Vir die ouers
By Laerskool Anton van Wouw is ons daartoe verbind om aan die voorpunt van opvoedkundige innovasie te bly en só te verseker dat ons leerders ‘n moderne en boeiende leerervaring ontvang. Twee van die opwindendste nuwe neigings in onderwys vandag, is ondersoek- en projekgebaseerde leer, wat albei ‘n integrale deel van Anton van Wouw se klaskamerpraktyk is.
Ondersoekgebaseerde leer is ‘n dinamiese benadering wat ‘n liefde vir die wetenskappe vanaf ‘n vroeë ouderdom bevorder[1]. Hierdie metode moedig leerders aan om onderwerpe/voorwerpe self te verken deur middel van praktiese aktiwiteite, ondersoek en ondervraging. Dit strook met hoe kinders van nature leer, betrek hulle by die wetenskaplike proses en moedig hulle natuurlike nuuskierigheid aan. By Laerskool Anton van Wouw, glo ons dat deur ondersoekgebaseerde leer in ons klaskamers te inkorporeer, ons ons jong leerders kan inspireer om kritiese denkers en probleem-oplossers te word, toegerus met die vaardighede wat hulle nodig het om die wêreld om hulle te navigeer.
Projekgebaseerde leer is nóg ‘n innoverende neiging wat ons aangegryp het, wat dit in lyn bring met die gemeenskaplike kernstandaarde om te verseker dat ons onderrigmetode op datum en doeltreffend is[2].Projekgebaseerde leer behels dat leerders oor ‘n lang tydperk saamwerk aan take of probleme. Hierdie benadering verbeter nie net samewerking en spanwerk nie, maar stel leerders ook in staat om waardevolle interaksie buite die tradisionele klaskameromgewing op te doen. Deur projekgebaseerde leer in ons kurrikulum te integreer, bied ons aan ons leerders geleenthede om hul kennis op betekenisvolle maniere toe te pas, om hulle voor te berei vir toekomstige akademiese- en professionele sukses.
By Laerskool Anton van Wouw verstaan ons die belangrikheid daarvan om by die ontwikkelende landskap van onderwys aan te pas. Ons nooi ouers om ons webwerf en sosiale media te verken en eerstehands te sien hoe ons ons kinders voorberei vir ‘n blink en belowende toekoms.
Ten slotte, terwyl ons voortgaan om hierdie strategieë te implementeer, bly ons toegewyd daaraan om ons leerders te voorsien van ‘n leeromgewing wat nie net akademies verrykend is nie, maar ook genotvol en relevant in vandag se moderne samelewing is. Omhels saam met ons die toekoms van onderwys by Laerskool Anton van Wouw.
Bronne:
- https://www.bgci.org/our-work/addressing-global-challenges/best-practice/inquiry-based-science-education/↩︎
- https://my.pblworks.org/resource/blog/gold_standard_pbl_align_to_standards↩︎
by Marica Botha | Mar 19, 2024 | 2024 uitgawes, Vir die ouers
By Laerskool Anton van Wouw verstaan ons dat Graad 1 ‘n deurslaggewende mylpaal in u kind se opvoedkundige reis is. Dit lê die grondslag vir toekomstige leer en berei die weg voor na akademiese sukses. As trots Afrikaans medium laerskool glo ons vas in die krag van moedertaalonderrig, veral gedurende hierdie vormingsjare. In hierdie artikel sal ons die belangrikheid van Graad 1 ondersoek en hoe die aanbied van onderwys in jou moedertaal voordelig kan wees vir ‘n kind se leer en ontwikkeling.
DIE BETEKENIS VAN GRAAD 1 IN JOU KIND SE SKOOLLOOPBAAN
Graad 1 is die begin van formele onderwys en is ‘n belangrike stap in jou kind se skoolloopbaan. Gedurende hierdie jaar ontwikkel kinders noodsaaklike vaardighede en kennis wat as boustene vir toekomstige leer sal dien. Sommige van die deurslaggewende aspekte van Graad 1-onderwys sluit in:
1. Geletterdheid en syfervaardighede
In Graad 1 leer kinders die grondbeginsels van lees, skryf en wiskunde. Hulle begin letters, klanke en woorde herken, en ontwikkel basiese syfervaardighede soos tel, optel en aftrek. Hierdie vaardighede vorm die grondslag vir hulle skoolloopbaan asook daarna.
2. Sosiale- en Emosionele Ontwikkeling
Graad 1 is ook wanneer kinders belangrike sosiale- en emosionele vaardighede aanleer. Hulle leer om met hul maats te kommunikeer, te deel, beurte te maak en om konflik op te los. Hierdie vaardighede is noodsaaklik vir die bou van gesonde verhoudings en om sosiale situasies regdeur hul lewens te bestuur.
3. Onafhanklikheid en verantwoordelikheid
Soos kinders Graad 1 betree, begin hulle ‘n gevoel van onafhanklikheid en verantwoordelikheid ontwikkel. Hulle leer om instruksies te volg, take onafhanklik te voltooi en eienaarskap van hul skoolwerk te neem. Hierdie vaardighede is deurslaggewend vir hulle akademiese vordering.
DIE VOORDELE VAN MOEDERTAALONDERWYS IN GRAAD 1
By Laerskool Anton van Wouw glo ons om onderrig in jou moedertaal te ontvang, veral in Graad 1. Die volgende redes is vir ons belangrik:
1. Verbeterde kognitiewe ontwikkeling
Navorsing het getoon dat kinders wat onderrig in hul moedertaal ontvang, beter kognitiewe ontwikkeling het. Hulle is in staat om konsepte makliker te begryp, krities te dink en probleme meer effektief op te los. Dit is omdat hulle in staat is om inligting te verwerk in ‘n taal wat vir hulle bekend en gemaklik is.
2. Verbeterde akademiese prestasie
Kinders wat in hul moedertaal leer, is geneig om akademies beter te presteer. Hulle het ‘n dieper begrip van die onderwerp en is in staat om hulself duideliker uit te druk. Dit is veral belangrik in Graad 1, aangesien die volume van nuwe vaardighede wat aangeleer word, hoog is.
3. Sterker kulturele identiteit
Om in moedertaal te leer, help kinders om ‘n sterk gevoel van kulturele identiteit te ontwikkel. Hulle is in staat om met hul erfenis, tradisies en waardes te skakel, wat bydra tot hul algehele gevoel van behoort en die bou van ‘n sterk selfbeeld.
By Laerskool Anton van Wouw is ons daartoe verbind om moedertaalonderrig van hoë gehalte in Afrikaans te verskaf. Ons ervare en toegewyde onderwysers skep ‘n koesterende en stimulerende leeromgewing wat akademiese uitnemendheid en persoonlike groei bevorder. Ons glo dat deur kinders in hul moedertaal op te voed, ons hul volle potensiaal ontsluit en hulle voorberei vir sukses op skool en in die lewe.
As jy op soek is na ‘n laerskool wat moedertaalonderrig waardeer en toegewy is aan jou kind se holistiese ontwikkeling, oorweeg gerus Laerskool Anton van Wouw. Besoek ons webwerf [https://laerskoolantonvanwouw.co.za/] om meer te wete te kom oor hoe ons jou kind kan help floreer.
by Marica Botha | Jan 30, 2024 | 2024 uitgawes, Vir die ouers
Deur Mariette Snyman
“Dis vir die meeste ouers van jong kinders ’n groot uitdaging,” sê dr. Shirley, ’n algemene praktisyn met ’n spesiale belangstelling in neurologiese toestande. “Huiswerk word gewoonlik aan die einde van die dag ingepas. Dopamien, die breinhormoon verantwoordelik vir wakkerheid en motivering, is smiddae op sy laagste en ná ’n vol dag is kinders boonop sensories oorlaai. Dis ’n slegte tyd vir ’n herhalende, vervelige aktiwiteit.
“Omdat kinders tuis veilig voel en vertrou dat hul ouers, hulle ondanks swak gedrag steeds sal liefhê, kan hulle ekstra moeilik wees. G’n wonder Finland – algemeen beskou as die land met die mees ontwikkelde onderwysstelsel – skeduleer smiddae geen akademiese werk behalwe lees nie. In Suid-Afrika is ons nog nie so gelukkig nie, maar ons kan wel die lewe vir ons en ons kinders makliker maak.
10 praktiese wenke wat dit vir almal makliker maak:
- Skep ʼn huiswerkhoekie
Nes ons ’n slaapkamer met slaap assosieer, help dit as jou kind se brein ’n sekere hoekie met huiswerk en ’n leeringesteldheid verbind. As die ruimte beperk is, kan jy sommer ’n hoekie van ’n kamer met maskeerband afbaken.
Minimaliseer afleiding indien jou kind se aandag maklik afgelei word. Sê: “Ek skakel my foon vir 20 minute af en gaan by jou sit en werk/lees/brei. Ons hou Boetie uit die vertrek.”
Sorg vir ’n gemaklike temperatuur.
Party kinders kan met musiek leer, ander nie. Eksperimenteer met wit geraas soos ’n waaier in die agtergrond, musiek sonder woorde, ensovoorts. Vir brain sequencing is Bach en Mozart die stimulerendste.
As jou kind se sensoriese integrasie nie optimaal is nie – soos by alle kinders met aandagafleibaarheid/hiperaktiwiteit – kan diep druk op jou kind se skoot of skouers strelend wees. Probeer ’n weighted jacket of kombers; die graansakkies wat fisioterapeute verskaf; ’n hondjie-deurstopper vol sand; of ’n teddiebeer wat ’n paar kilogram weeg. Die graansakkies kan warmgemaak of in die vrieskas gesit word. Eksperimenteer!
Kyk watter uitwerking verskillende geure het. Party is kalmerend, soos laventel; ander stimulerend, soos peperment. Koop suiwer essensiële olies met net een geur.
- ʼn Volledige werkstasie
Hou ’n volledige stel benodigdhede in die huiswerkhoekie. Geen huisgenoot mag dit leen nie! As jou kind eers moet opstaan om ’n skerpmaker te gaan haal, verbreek dit sy konsentrasie.
- Spring reg weg
Laat jou kind kies waarmee hy/sy wil begin – verkieslik eenvoudiger take. Verduidelik dat ’n makliker wegspringplek jou kans op sukses verbeter omdat jou brein ook “opwarm”. Ouer kinders kan met die moeilikste taak begin, terwyl hulle nog vars is.
- Hou ʼn ogie
Help ’n jong kind aanvanklik deur by hom/haar te sit of, as jy nie kan nie, vra van tyd tot tyd: “Hoe vorder jy? Kan ek help?”
- Skep asem
Sorg dat jou verwagtinge van jou kind se studievermoë realisties is. Dit is verstandig om te breek vóór jou kind se brandstof opraak. Gebruik ’n uurglas sodat jou kind die tydsverloop kan sien, en sê: “Kom ons doen vyf (of tien) minute lank wiskunde totdat die sand deurgeloop het.”
ʼn Pouse van vyf minute kan jou kind help herlaai.
Realistiese verwagtinge: graad 2 – twee sessies van vyf minute elk; graad 3 – 15 minute op ’n slag; graad 4 – 20 minute op ’n keer; kinders tot graad 7 – sessies van 40, dan 30, dan 20 minute. Selfs volwassenes behoort ná ’n werksessie van 45 minute te strek of ’n anders sensoriese breek te neem.
Eksperimenteer deur ’n kort pouse met ’n langer pouse af te wissel.
Mamma moenie ’n “pliggie” wees en deurdruk tot die werk klaar is nie – dis teenproduktief. Wanneer ’n kind te lank moet konsentreer, beland sy in beseringstyd, wat meer kwaad as goed doen. Respekteer jou kind se versadigingspunt; indien die huiswerk dit oorskry, kan jy ’n vriendelike briefie vir die onderwyser skryf en noem dat die kind werklik gefokus gewerk het maar nie die werk kon voltooi nie. Bespreek die huiswerklading met die onderwyser indien dit dikwels gebeur.
- Geduld, o geduld!
Sukseservarings lei tot groter sukses, terwyl skerp kritiek en die vrees vir mislukking ’n kind in oorlewingsmodus kan plaas. In die veg/vlugmodus het ons nie toegang tot hoër kognitiewe funksies nie. Probeer om nie ongeduldig te raak nie; kyk hoe jy kan help eerder as om die kind ontoereikend te laat voel. Op dié manier sal jou kind gouer onafhanklik kan werk – dis in jou belang!
- Spelpret
- Spelling is iets wat alle kinders moet leer. Die brein hou van afwisseling, ’n uitdaging en kompetisie – span dit tot julle voordeel in. Skryf die week se spelwoorde netjies op indekskaarte. Maak twee stelle en speel Snap!
- Skep ’n Bingo-bord. Pak een stel spelwoorde daarop. Laat jou kind die woorde spel. Vir elkeen wat hy reg het, is dit Bingo!
- Gebruik gekleurde pypskoonmakers om letters en syfers te buig en bou die spelwoorde daarmee.
- Speel “Vang Mamma uit”. Mamma skryf vier variasies van ’n spelwoord onder mekaar, byvoorbeeld K.L.O.U.T.E.R, klOUter, klouteR en kloutir, en laat die kind die verkeerd gespelde woord aandui.
- Skep ’n pak kaarte met opdragte wat sensories verskil, byvoorbeeld: Skryf die spelwoord in rooi/geel/groen, skryf dit in potlood/koki-pen/vetkryt, skryf dit twee/drie/vyf keer, sê die woord in ’n fluisterstem/ operastem/ robotstem. Laat jou kind elke keer ’n kaart trek en die opdrag uitvoer.
- Deesdae is daar ook penne met verskillende geure, byvoorbeeld ’n oranje pen met lemoengeur. Betrek dit by dié speletjie; die gebruik van verskillende sintuie skakel die geheue aan.
- Laat die kind haar oë toemaak en die woorde uitskryf.
- Steek die kaarte met spelwoorde weg op jou kind se roete van die etenstafel na byvoorbeeld haar tandeborsel. Sy moet elke kaart optel, lees en sê – ’n interessante vorm van herhaling.
- Mooi so!
- Beloon jou kind vir elke sessie. Ouers is soms bang hulle koop ’n kind om, maar volwassenes werk ook beter as daar belonings is. Navorsing wys positiewe versterking kan vyf keer kragtiger wees as die vrees vir onaangename gevolge.
- Pak weg
- Maak seker jou kind het alles wat nodig is vir die volgende skooldag, en dat die boeksak gepak is en by die voordeur wag.
- Vier dit!
- Doen ná elke sessie iets lekkers saam – dit skep die gevoel van “ek hoort hier, ek het ’n plek”. Speel vinnig ’n speletjie, jaag mekaar, dans ’n dansie, vertel elkeen ’n grappie, luister na ’n liedjie, vertel van julle dag, slaan iets in die kombuis aanmekaar of gaan kielie vir Pappa. Al weet jy wat jou kind se liefdestaal is, spel alle kinders liefde só: “tyd” en “aandag”.
by Marica Botha | Nov 21, 2023 | 2023 uitgawes, Vir die ouers
Dit gaan nie oor die kurrikulum nie – elke skool in Suid-Afrika behoort die kurrikulum ten volle te implementeer… dit gaan oor hóé elke enkele aspek van die kurrikulum in diepte onderrig word! By Laerskool Anton van Wouw is dít wat ons doen! Die laerskool is die plek waar ‘n jong kind se akademiese grondslag baie stewig gelê moet word, dán “vlieg” hulle in die hoërskool en dit maak deure oop vir baie beroepsgeleenthede.
Akademiese uitnemendheid is iets wat elke ouer vir sy kind wíl hê… en dit is wat Laerskool Anton van Wouw bied.
Dit gaan beslis nie nét oor die punte nie, maar om kritiese denkvaardighede, ‘n dors na kennis en ‘n passie en nuuskierigheid vir leer te ontwikkel.
Om ‘n volronde, akademies sterk kind hoërskool toe te stuur, begin reeds by ons puik toegeruste Wouwtjie Pre-primêr. Pas uit die doeke, vanaf gr. RRRR, word ons Kleinwouwtjies blootgestel aan ‘n skitterende ontwikkelingsprogram van perseptuele vaardighede… boublokke vir leer wat binne die eerste ses jaar van ‘n kind se lewe deeglik vasgelê moet word. Ons maak doodseker dat ons gr. R’e skoolgereed is teen die tyd wat hulle deur die hekke stap na die “groot” skool toe.
Die akademiese uitnemendheid van ‘n skool staan of val by wat binne die vier mure van elke klas, elke dag, gebeur. Daarom … investeer ons in die béste onderwysers wat self akademies goed onderlê is, ‘n passie vir onderwys en kinders het en altyd op die voorpunt van nuutste ontwikkelinge in die onderwys bly.
Wouwtjie-onderwysers onderrig volgens Blooms… dit beteken kennis word oorgedra; leerders word gestimuleer om te dink, hulle eie afleidings te kan maak, hulself te kan motiveer en kritiese denkvaardighede te ontwikkel. Dus… Wouwtjies is denkende leerders!
Wat kan ouers doen om akademiese vaardighede tuis te ontwikkel?
- Gesels met jou kind oor duidelike doelwitte. Beplan stap vir stap hoe om daar uit te kom.
Breek dit vir jou kind op in kleiner, verteerbare deeltjies… en stel ‘n tydlyn op.
- Tydsbestuur: Balanseer die akademie met ander aktiwiteite. Dit is baie belangrik vir enige kind om akademie, sport, kultuur, familietyd, lees, speel en ontspanning te balanseer.
- Leer jou kind om studietyd ‘n produktiewe tyd te maak… om te fokus. Jy as ouer moet sorg dat daar nie iets is wat jou kind se aandag aftrek nie.
- Prioritiseer akademie en stel vaste tydslotte in.
- Effektiewe studiemetodes: vind uit wat jou kind se spesifieke leertegnieke is.
- Gereelde hersiening van werk is baie belangrik.
- Kry hulp en ondersteuning… moenie bang wees om te vra nie! Praat met onderwysers, klasmaats werk lekker saam, ouer kinders werk lekker in studiegroepe, gebruik biblioteke, opvoedkundige toeps asook aanlyn-platforms.
Waardes wat vasgelê moet word:
- Glo in jouself!
- Moenie terugdeins vir uitdagings nie.
- Hanteer terugslae as geleenthede om te leer.
- Fokus op ‘n positiewe uitkyk in alle opsigte.
- Vier klein oorwinnings.
- Leer uit jou foute.
ONTHOU: Dit gaan níe net oor akademiese prestasie nie, maar ook die persoonlike groei en vaardighede wat jy leer in die proses, wat sal lei tot sukses in die toekoms.
by Marica Botha | Oct 19, 2023 | 2023 uitgawes, Vir die ouers
Laerskool Anton van Wouw is toegewyd om nié net akademiese uitnemendheid te bevorder nie, maar om óók al ons leerders te help om op sport- en kultuurgebied blootstelling te kry en hul talente te ontwikkel. Net so, is dit vir ons baie belangrik om ons kinders se sosiale vaardighede en leierskap te ontwikkel én daarmee saam, om te sien na hul emosionele- en psigiese gesondheid.
Ons visie is om ’n gelukkige, selfstandige en “volronde” kind hoërskool toe te stuur!
Akademie:
Akademie is die ruggraat van Anton van Wouw se aktiwiteite. Om régtig uitnemend te wees, verg rotsvaste bestuur, uitnemende onderwysers, ondersteunende ouers en leergierige leerders.
Léés is die sleutel tot sukses op akademiese gebied; daarom doen ons báíe moeite om ons leerders lief te maak vir lees, van klein tot groot! Ons Boekklub en skrywers wat ons skool jaarliks kom besoek, is legendaries.
Kultuur:
Ons bied vierjaarliks ’n revue aan waaraan elke kind deelneem… ’n groot hoogtepunt! Só ook die Wouwtjie Kinderkoor wat pragtige sang afwissel met lekker koortoere en optredes – van die Drakensberge, tót in die Kaap! Hier hoor ons sangstemmetjies reeds in die gr.R-koor en ons Junior koor, wat ook die jaar die topkoor in die land is.
Wouwtjies woeker met woorde – van redenaars tot debat, is hulle kampioene!
Gr.6 en 7-leerders kan elke kwartaal ’n Toastmasterskursus bywoon en hulle nuutgevonde Engelse praatvaardighede tentoonstel tydens ‘n spogbanket.
Anton van Wouw het ’n groot musieksentrum nét hier op ons terrein, waar leerders ’n wye verskeidenheid instrumente kan leer bespeel!
Sport:
Anton van Wouw het beslis ’n passie vir sport! Sport is nié net ’n manier om ’n gesonde leefstyl aan te moedig nie, maar dit leer ook ons leerders belangrike lewenslesse, onder andere leierskap, samewerking in ’n groep, deursettingsvermoë en hoe om druk en stres te hanteer.
Ons fokus op massa-deelname in sport en bied alle bekende skoolsporte aan – asook fietsry, perdry en gholf. Hiér ontdek leerders hul talente, leer om kompeterend te wees en goeie sportmanskap uit te leef.
Die verhitte swembad is ’n groot aanwins vir Wouwtjies – hier kan nou dwarsdeur die jaar geoefen word en Wouwtjie-swem staan baie sterk!
In ’n neutedop… balans maak saak! ’n Gebalanseerde skoolopvoeding is die sleutel tot holisties gevormde, suksesvolle individue.
Dit is lékker om ’n Wouwtjie te wees!
