Wouwtjies se harte klop-klop vir atletiek

Deur Gisele Geldenhuys en Sandy Prinsloo (Graad 7)

Na ‘n lang pandemie het die atletiek vir ‘n ruk stilgestaan, maar vroeër vanjaar het die Wouwtjies weer vinnig-vinnig die bal aan die  rol gekry en hulle het uitmuntende prestasies behaal.  Die Wouwtjies  het stof in hul opponente se oë geskop en by elke byeenkoms Anton van Wouw se naam hoog gehou.

 

Die eerste atletiekbyeenkoms van die jaar was op ons skoolvelde teen Laerskool Olienpark, Generaal Hendrik Schoeman en Laerskool Taalfees.  Alle atlete het op hierdie byeenkoms hul beste voetjie voorgesit en hul harde werk is deur hul uitsonderlike prestasies beloon. In elke afdeling, van hekkies tot aflos, en van spiesgooi tot     diskus, het elke Wouwtjie-atleet hul beste probeer en natuurlik hulself geniet.  Daar is vier van ons atlete wat die Victrix Lodorum toekenning behaal het, naamlik Megan Nieman, Simónn Hugo, Waldré van der Merwe en Christiaan Bosman.  Laerskool Anton van Wouw het hierdie atletiekbyeenkoms gewen en dit was die begin van ‘n klopdisselboom atletiekseisoen.

 

Die tyd het aangebreek vir die Cluster-byeenkoms by Hoërskool Garsfontein, waar die top-atlete van ons skool deelgeneem het.  Hulle het kliphard gewerk en al was hulle bietjie senuweagtig, het dit die atlete nie ondergekry nie.  Hulle het puik prestreer en daarom het nege atlete aan die Distrik-skolebyeenkoms op 26 Februarie deelgeneem.  Dit was nie die einde nie, want hierdie atlete het bo- gemiddeld goed presteer en daarom het vyf atlete, Adri de Beer, Megan Nieman, Waldré van der Merwe, Danielle Bam en Shiloh Snijders, aan die GISSA op 11 en 12 Maart by Pilditch deelgeneem.

 

Na ‘n fantastiese atletiekseisoen kan elke Wouwtjie net trots wees.  Hulle het deur en deur Anton van Wouw se naam hoog gehou en die vrugte van hul harde werk gepluk.  Dit is sowaar ‘n atletiekseisoen  om te onthou.